Veiðihornið - Síðumúla 8 - 108  Reykjavík - sími 568 8410

Afgreiðslutími - haust 2010
Mánudaga til föstudaga - 9 til 18
Laugardaga - 10 til 16
Sunnudaga - Lokað

Veiðihornið Síðumúla 8 var opnað síðla árs 2001.  Vinsældir verslunarinnar hafa aukist ár frá ári.  Fyrstu árin var verslunin eingöngu rekin í framhlið hússins Síðumúla 8 en í dag er Veiðihornið á nánast allri neðri hæð hússins.

Í Veiðihorninu er mikið úrval af búnaði til stanga- og skotveiði en einnig landsins mesta úrval af fluguhnýtingaefni.  Í versluninni hafa verið haldin fjölmörg fluguhnýtinganámskeið en einnig námskeið í stangarsmíði. 

Nýlega var tekið í notkun stórt byssuherbergi þar sem hægt er að skoða gríðarlegt úrval skotvopna á mjög aðgengilegan hátt.  Fyrir vorið verður komið fyrir stærsta flugubar landsins og þó víðar sé leitað en flugubarinn verður 6 metra langur, á þrem hæðum eða samtals um 18 hillumetrar.  Eins og gefur að skilja verður í sumar hægt að velja úr ótrúlegu úrvali af fengsælum veiðiflugum.

Í rúmgóðri verslun Veiðihornsins Síðumúla 8 er hægt að velja úr miklu úrvali

Fyrir 9 árum þegar eigendur Veiðihornsins hófu rekstur voru 2 gerðir af vöðlum
á boðstólum.  Mikið vatn hefur runnið til sjávar síðan þá því í dag eru gerðirnar orðnar yfir 20

Hvergi á landinu er meira úrval af fluguhnýtingaefni enda fara vinsældir
fluguhnýtinga vaxandi með ári hverju

Stærsti flugubar landsins verður settur upp í Veiðihorninu Síðumúla 8 fyrir sumarið
Gríðarlegt úrval af fengsælum veiðiflugum í hæsta gæðaflokki á sanngjörnu verði.

Veiðihornið og Veiðimaðurinn hafa staðið fyrir ýmsum viðburðum undanfarin ár.  Sem dæmi má nefna að Mikael Frödin kynnti keilutúpur fyrst í Veiðimanninum Hafnarstræti 5 og Henrik Mortensen hefur í samstarfi við Veiðihornið haldið kynningar og flugukastnámskeið.  Þá hafa Andy Murray, einn fremsti stangarhönnuður og Spey kastari Bretlandseyja að ógleymdum Hywel Morgan, heimsmethafa í fluguköstum sýnt listir sínar á Íslandi í boði Veiðihornsins og Veiðimannsins.

Allflestir íslenskir stangaveiðimenn þekkja Henrik Mortensen sem starfað
hefur lengi við veiðileiðsögn við íslenskar ár auk þess sem hann hefur
sýnt listir sínar og kennt íslenskum veiðimönnum listina að kasta flugu

Heimsmethafinn í fluguköstum, Hywel Morgan frá Wales sýnir hér listir sínar
í Hljómskálagarðinum.

Andy Murray yfirstangarhönnuður House of Hardy hefur heimsótt okkur, sýnt hve
fær kastari hann er og haldið námskeið á vegum Veiðihornsins og Veiðimannsins.