Veiðimaðurinn gamli tekur nú stakkaskiftum þegar við flytjum hann inn í 21. öldina.
Veiðimaðurinn sem í hartnær 70 ár var lítil veiðibúð í gamla hluta Reykjavíkurborgar verður
í ársbyrjun 2009 að veiðibúð allra landsmanna í internetinu.


Með öðrum orðum ætlum við að stórauka þjónustu við viðskiptavini okkar nær og fjær.
Ekkert bílastæðavesen, engar stöðumælasektir
Þú verslar bara heima í rólegheitunum og við sendumþér vörurnar heim.


Allar frekari upplýsingar um veiðimann nútímans birtast hér í byrjun nýs árs
Hér að neðan má sjá myndir og upplýsingar um Veiðimann gærdagsins.

Það var árið 1938 að Albert Erlingsson stofnaði fyrirtækið Veiðiflugugerðin.  Veiðiflugugerðin var staðsett á Lækjartorgi.  Árið 1940 flutti Albert starfsemi fyrirtækisins í Hafnarstræti 22 sem nefnt var Smjörhúsið.  Hús þetta stóð við horn Hafnarstrætis og Lækjargötu, gegnt Zimsen húsinu sem nú er einnig horfið.  Albert setti þar á fót verslunina Veiðimanninn.  Síðar fluttist Veiðimaðurinn í vesturenda Hafnarstrætis, Tryggvagötumegin. 

Versluninni í Hafnarstræti 5 var lokað haustið 2008 enda miðbærinn fluttur í múlahverfið þar sem hvorki eru bílastæðavandamál né stöðumælasektir.

Bráð ehf rekur nú auk vefverslunar Veiðimannsins, Veiðihornið Síðumúla 8 og Sportbúðina Krókhálsi 5.

Hér er mynd frá Veiðimanninum á meðan verslunin var starfrækt í gamla hluta Reykjavíkur

Vegna vinsælda meðal erlendra veiðimanna var verslunin meðal annars valin
Ferðamannaverslun landsins af Reykjavíkurborg og Samtökum Íslenskrar verslunar.