Við höfum nýverið tekið upp sendingar af fluguhnýtingaefni frá Veniard og Wapsi.

Í dag fengum við heim í hús stóra sendingu af Kamasan önglum og innan fárra daga, vonandi í lok vikunnar tökum við upp sendingu af ódýrum fluguhnýtingaverkfærum og væsum.

Þú mátt því vera viss um að finna mikið og gott úrval af öllu til fluguhnýtinga í Veiðihorninu Síðumúla 8.

Nú um þessar mundir stendur yfir lokahnykkur breytinga á húsnæði Veiðihornsins Síðumúla 8.

Breytingarnar sem hófust fyrir áramót miðast að því að stækka verslunina verulega, gera hana bjartari og aðgengilegri fyrir viðskiptavini okkar.

Á meðan á þessum breytingum stendur verða engin skotvopn fáanleg í Veiðihorninu og bendum við skotveiðimönnum á Sportbúðina á Krókhálsi þar sem allt úrval okkar er á boðstólum.

Ráðgert er að þessum viðamiklu breytingum ljúki um miðjan mars en þá fara fyrstu stóru vorsendingar okkar af veiðivörum að berast erlendis frá.

Verslanirnar Veiðihornið Síðumúla 8, og Sportbúðin Krókhálsi 5 verða báðar troðfullar af nýjum veiðibúnaði með meira úrval en nokkru sinni fyrr strax í byrjun apríl.

Um leið og við biðjum viðskiptavini okkar afsökunar á hugsanlegum óþægindum á meðan breytingum stendur viljum við taka fram að versluninni verður ekki lokað á meðan.

Verslanirnar Veiðihornið Síðumúla 8 og Sportbúðin Krókhálsi 5 verða lokaðar á þriðjudag og miðvikudag vegna vörutalningar.

Við erum að leggja lokahönd á tölvuvæðingu fyrirtækisins og er þessi viðamikla vörutalning liður í því.

Ef viðskiptavinir þurfa nauðsynlega að ná sambandi við okkur þessa tvo daga er þeim bent á að hringja í síma 517 8050 á þriðjudag en 568 8410 á miðvikudag.

Báðar verslanirnar verða opnaðar á ný á fimmtudag kl 10:00

Skotvopnasala í Veiðihorninu og Sportbúðinni á liðnu ári var með mesta móti.

Í þakklætisskini við viðskiptavini okkar ætlum við að bjóða öllum þeim sem keypt hafa skotvopn í Veiðihorninu og Sportbúðinni ókeypis námskeið í umhirðu skotvopna.

Námskeiðunum verður skipt upp eftir tegundum þannig að sérstakt námskeið verður fyrir eigendur Stoeger M2000, annað fyrir eigendur Beretta Extrema2 o.s.frv.  Gert er ráð fyrir að hvert námskeið taki eina kvöldstund.

Á námskeiðum verður eigendum skotvopna leiðbeint með að taka byssur sínar í sundur, hreinsa þær og smyrja. 

Námskeiðin fara fram á loftinu í Sportbúðinni Krókhálsi 5.  Allar nánari upplýsingar gefur Sveinbjörn í Sportbúðinni í síma 517 8050.  Einnig hægt að senda tölvupóst á Sveinbjorn@Sportbudin.is.

Nú styttist í að fyrstu fluguhnýtinganámskeið ársins hefjist.

Veiðihornið verður með á boðstólum fluguhnýtinganámskeið fyrir byrjendur en einnig lengra komna. 

Umsjónarmaður fluguhnýtinganámskeiða er Hjörleifur Steinarsson í Veiðihorninu Síðumúla 8.

Allar nánari upplýsingar um fluguhnýtinganámskeiðin gefa strákarnir í Veiðihorninu Síðumúla 8 í síma 568 8410.  Einnig hægt að senda póst á  Johann@veidihornid.is